Benvido/a á III Xornada Interuniversitaria Galega de Innovación Docente.

Un ano máis, as tres universidades públicas galegas (UDC, USC e UVIGO) traballamos de forma conxunta para consolidar un espazo de reflexión e intercambio de experiencias para a mellora do ensino e a aprendizaxe na educación superior.

A xornada presencial, desta terceira edición, terá lugar o próximo 20 de novembro de 2025 no paraninfo do edificio Ernestina Otero da Universidade de Vigo, no campus universitario. Pode asistir calquera persoa interesada na innovación docente universitaria, pero cómpre inscribirse.

O persoal docente e investigador das tres universidades ten a opción, novamente, de participar tamén na modalidade de póster virtual. É dicir, pode participar nas dúas modalidades, póster virtual e xornada presencial, ou elixir só unha delas.